Gubta

Qasnajigii Guud ee Shirkada Maamusha Garoonka Muqdisho Ee SKA Oo La Goostay Lacago Badan

gubta — Fri, 18 May 2012 19:00:41 +0000

Muqdisho (RBC Radio) Waxaa maanta gabi ahaanba goostay qasnajigii guud ee Shirkada Maamusha garoonka Diyaaraha ee magaalada Muqdisho SKA, waxaana la sheegay inuu la goostay lacag badan oo uu haayay. Wararka ayaa sheegaya in garoonka diyaaradaha ee magaalada Muqdisho uu saaka diyaarad si qarsoodi ah uu kaga raacay qasnajiga ayada oo aanan la ogayn, waxaana la sheegay in diyaaradaasi ay ku siijeeday magaalada Nairobi ee dalka Kenya. Arintaan waxay soo baxday maanta goor danbe oo la ogaaday in uu gabi ahaanba maqanyahay qasnajigii guud ee shirka maamusha garoonka diyaaraha ee Magaalada Muqdisho, isla markaana uu goostay. Waxaa la sheegayaa in ninkaan uu u dhashay wadanka Masar isla markaana uu ahaa Kirishtan, wuxuuna sidoo kala uu ahaa Lacag haayaha guud ee shirkadaan oo ayadu ah mida hada maamusha garoonka Muqdisho oo dhan. Haatan ayaa waxaa la tilmaamayaa inuu la goostay ninkaan lacag gaaraysa 350-kun Dollar, taasi oo ah lacagtii la aruurinayay sadaxdii bilood ee ugu danbaysay sida lagu waramayo. Lama oga in lacagtaan haatan lala goostay in ay ku jirto lacago ay leedahay dowlada Soomaaliya, maadaama dowlada ay canshuur ka qaado garoonka diyaaraha ee magaalada Muqdisho. Cali Maxamed Xasan oo ah maareeyaha garoonka Diyaaraha ee magaalada Muqdisho ayaa wuxuu sheegay in arintaan aysan waxba kala socon dowlada Soomaaliya iyo waliba maamulka garoonka Muqdisho. Sidoo kale maareeyaha garoonka Muqdisho ayaa wuxuu sheegay in Shirka SKA aysan dowlada Soomaaliya waxba kala socon shaqaalaha ay qaadato waliba dadka ay shaqaalisiiso. Horay ayaa gudoomiyaha gobalka Banaadir ahna duqa magaalada Muqdisho Maxamuud Axmed Nuur Tarsan ayaa wuxu sheegay in ay jiraan shirkado badan oo ka howlgala magaalada Muqdisho oo aysan dowlada Soomaaliya wax badan aysan ka ogayn waxyaabaha ay qabtaan. RBC Radio Xafiiska Wararka Muqdisho

View post:
Qasnajigii Guud ee Shirkada Maamusha Garoonka Muqdisho Ee SKA Oo La Goostay Lacago Badan

Wakiilka Midowga africa ee Somalia oo Muqdisho u yimid sababta keentay dib-u dhaca ansixinta dastuurka muranka uu ku jiro

gubta — Fri, 18 May 2012 18:11:35 +0000

Muqdisho-hobyonet) Wakiilka Midowga Afrika u Qaabilsan Arrimaha Wadanka Soomaaliya Jerry Rawlings, oo maanta soo gaaray Magaalada Muqdisho, ayaa waxaa si diiran loogu soo dhaweeyay Garoonka Diyuuradaha Aadan Cadde ee Magaalada Muqdisho. Socdaalka Jerry Rawlings ee Magaalada Muqdisho ayaa wuxuu salka ku hayaa dib u dhaca ku yimid Ansaxinta Dastuurka Qabyo Qoraalka, oo 15-kii bishaan lagu waday in lagu ansaxiyo Magaalada Muqdisho. Midowga Afrika oo mid lagama maarmaan ah ku tilmaamay in la-meel mariyo Dastuurka Qabyo Qoraalka, ayaa waxaa u soo baxday in qeybaha Soomaalida ay isu hayaan meel marinta Dastuurka Qabto Qoraalka. Waana taa midda Jerry Rawlings keentay in uu maanta uu soo gaaro Magaalada Muqdisho, wuxuuna kulan uu Magaalada Muqdisho uu kula lee-yahay Raa’isal Wasaaraha Xukuumadda Kmg ah ee Somaliya Mudane C/Wali Maxamed Cali Gaas iyo Golahiisa Wasiirada. Jerry Rawlings ayaa waxaa la-fillaayaa in Mudane Gaas iyo Golaha Wasiirada uu kala hadlo dardar gelinta Habraaca Marxalada Kala Guurka, soo dedejinta Ansaxinta Dastuurka Qabyo Qoraalka iyo sidii loo-heli lahaa xubnihii matali lahaa Baarlamaanka cusub ee Qabaa’ilada Soomaalida uga qeyb gallaaya. Waxaa muuqaneysa in murun xoogan uu ka taagan yahay Dasbtuurka Qabyo Qoraalka, waxaana ku jira qodobo badan oo si xoog leh uga hor imaanaaya Diinteena Suuban ee Islaamka, waana midda ugu daran ee Dastuurka lagu qaadacsan yahay.

Shirkadda Horn Petroleum oo joojisay qodista ceel shidaal ay ka sameeynaysay dhulka Puntalnd

gubta — Fri, 18 May 2012 18:05:45 +0000

Ottowa-hobyonet )Shirkada Horn Petroleum Corp ee qodeysay ceelka Shabeel ee ku yaala dhulka maamulka Puntland Soomaaliya ayaa ku sheegtay war ay soo saartay in ay joojisay shaqadii qodista a hayd ee ay ka wada halkaasi. Ceelkan oo ku yaala dooxada Dharoor ee gobolka Bari kaasi oo ay sheegtay Shirkadu in aan laga helikarin shidaal ama gaas dhaqaale oo dabooli kara baahida jirta. Shrikada ayaa la sheegay in ceelka ay intiisa badan qoday in kastoo aan la gaarsiin halkii loo baahnaa laakiin shirkada ayaa shaqadii ay caykaasi ka heysay ku joojisay war ay ka soo saartay magaalada Toronto ee dalka Canada. Horn Petroleum Corp ayaa hada howshan mid la mid ah ka bilaabidoonta waqooyi dooxada Dharoor ee dhulka maamulka Puntland halkasi oo ay shirkadu sheegtay in lagu kalsooni badan yahay. Shirkadan oo laga leehaya dalka Canada ayaa howlgalkeeda ugu badan ka fulisa qaarada Africa iyadoo wadamo badan oo qarada ah ka wada howlo ceelal qodis ah.

Xaflad lagu xusayay 21 guuradii kasoo wareegtay markii ay Somaliland ka baxeen Soomaaliya oo maanta ka dhacday magaalada Oslo.

gubta — Fri, 18 May 2012 17:55:22 +0000

xaflad lagu xusayay 21 guuradii kasoo wareegtay markii ay Somaliland ka baxeen Soomaaliya oo maanta ka dhacday magaalada Oslo. Xafladan ayaa lagu qabtay barxada loo yaqaano Youngstorget ee magaalada Oslo ee dalka Norway, halkaasoo ay Boqolaal dadweyne ah iskugu soo baxeen ayagoo ku muujinaayo taageerada ay u hayaan. Xafladan ayaa ka muuqday dhamaan bulshada qeybaheeda kala duwan sida odoyaasha, hablaha, caruurta iyo dhalinyaradaba, ayagoo isku soo xardhay calanka Somaliland ee 3 da midab ka kooban. Ugu dambayntii ayaa xafladii waxay ku gabagabowday heesta calanka Somaliland iyo heeso kale oo ka hadlaya hidaha iyo dhaqanka.

Continued here:
Xaflad lagu xusayay 21 guuradii kasoo wareegtay markii ay Somaliland ka baxeen Soomaaliya oo maanta ka dhacday magaalada Oslo.

India iyo Imaaraadka carabta oo ku heshiiyey iskaashi la dagaalanka burcad badeeda

gubta — Fri, 18 May 2012 17:54:28 +0000

Dubai-hobyonet) Dowladaha India iyo Imaaraadka Carabta ayaa sheegay in ay siwad jir ah uga wada shaqeyndoonaan ladagaalanka burcad badeeda Soomaalida ee ka qowleysta Gacanka Cadmeed iyadoo labada dal ay wadaagi doonaan sirdoonka isalamarkaana ay ka caawindoonaan dib u dhiska dalka ay mashaakilaadku la dageen ee Soomaaliya. Wadajir u wada shaqeyntan dhaxmaraysa labada dowladood ayaa timid ka dib markii ay kulmeen wasiirka arimaha dibada India S.M Krishna iyo dhigiisa dalka isku taga imaaradka carabta Sheikh Abdullah Bin Zayed Al Nahyan kuwaas oo sheegay baahida loo qabo la dagaalan wada jira oo lala galo burcad badeed Soomaaliyeed ee qatarta ku ah maraakiibta ganacsiga eek u goosha gacanka cadmeed iyo biyaha Soomaaliya. Sheikh Abdullah Bin Zayed Al Nahyan ayaa dhankiisa tilmaamay in isbadal dhanka wanaagsan ah oo laga sameeyo dhulka Soomaaliya ay u wanaagsan tahay dhaqaalaha iyo abuurida fursado shaqo oo ay helaan dhaliyada Soomaaliyeed eek u mashquulsan howlaha qafaalashada ah ee ay ka wadaan badda. Waxa uu intaasi siiraaciyay in dowladda Imaaraadka Carabta ay goor horeba bilaawday la shaqeynta dowladda dhexe iyo maamul goboleedyada Soomaaliya ka jira iyadoo sidoo kale ka qeyb qaadatay caawinta iyo taageerida dowladda iyo sidii ay u guuleeysan lahaayeen dadaalada la doonayo in meel qura la iskugu geeyo dhinacyada Soomaalida. Buracad badeeda Soomalida ayaa hada gacanta ku heeysa in ka badan 60-kaluumesato Indian ah kuwas oo ay ka doonayaan in lacago madaxfurasho ah laga siiyo si ay u siidaayaan dadkaasi.

Daarul_Hudda_Qardho oo xaflad u qabtay ardayda Kaalmaha koowaad kagashay wax barashda sanad dugsiyeedka 2011-2012

gubta — Fri, 18 May 2012 17:27:18 +0000

Munaasabad siheer sare loo soo agaasimay oo abaalmarin lagu siiyey ardaydii kaalmaha ka gashay Dugsiga

Dowlada Mareykanka Oo Gaadiid Ku Warejisay DKMG.

gubta — Fri, 18 May 2012 16:50:39 +0000

Muqdisho(GMN) Dowlada Wadanka Maraykanka ayaa maanta Gaadiid ku wareejisay Dowlada Federaalka KMG ah ee Soomaaliya. Munaasabada maanta Dowlada lagu wareejinayay Gaadiidka ayaa waxaa goob joog ka ahaa masuuliyiin uu kamid yahay Raysalwasaare Ku-xigeenka ahna Wasiirka Ganacsiga Dowlada Soomaaliya iyo Qaar kamid ah Saraakiisha Ciidamada Nabad Ilaalinta ee Amisom. Munaasabada ayaa waxaa hadal ka jeediyay mid kamid ah Saraakiisha Ciidamada Midowga Africa ee Amisom , waxaana uu mahad balaaran u jeediyay Dowlada Wadanka Maraykan ee ku deeqday Gawaaridan si ay qayb uga noqdaan dib u dhiska Ciidamada iyo soo celinta Nabadgalyada Soomaaliya. Wasiirka Ganacsiga Dowlada Soomaaliya Cabdiwahaab Ugaas Khaliif ayaa waxaa uu u hambalyeey Dowlada Maraykanka Taageerada ay siisay Dowlada Soomaaliya, waxaana uu sheegay in Dowladoodu ay baahi weyn u qabto in ay Caalamku ka caawiyaan waxyaabo badan. Dowlada Japaan ayaa horay ugu deeqday Dowlada Soomaaliya Gawaarida Ciidamad gaar ahaan kuwa Booliska taas oo ay ugu talagashay inay ku saacido dib u dhiska Ciidamada Soomaaliya. Abdinaasir Ali Ibraahin. Gedoonlinenews@gmail.com

Visit site:
Dowlada Mareykanka Oo Gaadiid Ku Warejisay DKMG.

Wasiirka Cadaalada Kenya”Dhalinyaradu Waa inay Kibandha Helaan”.

gubta — Fri, 18 May 2012 14:35:57 +0000

Nairobo-(GMN) Wasiirka Cadaalada Dalka Kenya Eugene Wamalwa ayaa ka hadlay dhalinyaro badan oo Kenyaan ah kuwaas oo aan haysan kabandhaha maadama ay soo dhowdahay xiligi Doorashada laga qaban lahaa dalka kenya. Wasiir Wamalwa waxaa uu sheegay in dhalinyaradu ay yihiin 70% bulshada kenya sidaasi darteedna ay xaq u leeyihiin inay ka qaybgalaan Doorashada bilaha soo aadan la filayo inay ka dhacdo Dalka Kenya. Wasiirku Waxaa uu sheegay in Qiyaastii 4milyan oo dhalinyaro Kenyaan ah aysan haysan Kibandhihi ay codkooda ku dhiiban lahaayeen, taasina ay u muuqato in laga hor istaagayo wax ay sharci u leeyihiin , waxaana uu ku baaqay in lasoo dadajiyo soosaarida Kibandhaha kahor inta aysa qabsoomin Doorashada. Gabagabadii Wasiirka Cadaalada iyo Arimaha Dastuurka Dalka Kenya Eugene Wamalwa ayaa ku baaqay in lasoo Diiwaangaliyo dhalinyarada Kibandha la’aanta ah , waxaana uu Dowlada ku adkeeyay inay fududayso qaabkii dhalinyarada ay Kibandhe ku heli lahaayeen. Abdinasir Ali Gedoonlinenews@gmail.com

roobabkii guga oo soo saaraay baad cagaar badan(Sawiro)

gubta — Fri, 18 May 2012 14:21:30 +0000

Roobabkii guga ee ka da’ay nawaaxiga degmada Qardho ee xarunta gobolka Karkaar ayaa waxa ay

Continue Reading:
roobabkii guga oo soo saaraay baad cagaar badan(Sawiro)

Shirki Saxiixayaasha RoadMapka Oo Itoobiya Ka Dhici Doona & Masuuliyiin Adisababa Gaaray..

gubta — Fri, 18 May 2012 14:16:58 +0000

Adisababa-(GMN) Magaalada Adisababa ee caasumada Dalka Itoobiya waxaa laga kasocda Qabanqaabada shirka Saxiixayaasha RoadMapka oo la filayo Todobaadkan inuu ku qabsoomo Magaalada Adisababa ee Dalka Itoobiya. Shirkan ayaa waxaa qabanqaabinaysan Xafiiska Qaramada Midoobay ee dhanka Siyaasada ee UNPOS waxaana la filayaa in looga hadlo waxyaabaha ka qabsoomay geedi socodka Nabada iyo Caqabadaha kahoryimid. Saxiixayaasha Roadmapka ayaa kala ah Dowlada KMG ah, Puntland, galmudug, Ahlusuna iyo xafiiska Qaramada Midoobay ee dhinaca Siyaasada, Waxaana lagu falanqayndoonaa sida aanu kasoo xiganay Saraakiil UNka ku dhow dhow wakhtiga yar ee haray iyo qaabkii lo wajihi lahaa marxalada kalaguurka. Sida la saadaalinayo kulanka waxaa uu noqon doonaa mid kaduwan kulamadi hore Maadaama ay soo baxeen khilaaf ku aadan Ansixinta Dastuurka Cusub oo ay ka hor imaadeen caqabado badan iyadoo Maamulka Puntland oo Saxiixayaasha kamid ah uu kamid yahay Maamulada Qaadacay dastuurka. Madaxwaynaha Puntland Dr Cabdiraxman Maxamad Faroole ayaa Gaaray magaalada Adisababa ee xarunta Dalka Itoobiya , Iyadoo sidoo kale Madaxwaynaha Galmudug Maxamad Axmad Caali Saacadihi lasoo dhaafay uu gaaray Magaalada Adisababa si uu uga qaybgalo Shirka Saxiixayaasha RoadMapka ee Todobaadka furmi doona. 26kii Bishii Maarso ayuu ahaa kulankii kan ka horeeyay ee saxiixayaasha Roadmapka ,waxaana lagu qabtay Gudaha Soomaaliya gaar ahaan Magaalada Gaalkacy kaasi oo kusoo dhamaaday jawi wanaagsan Qodobana laga soo saaray. Abdinasir Ali Ibrahim Gedoonlinenews@gmail.com

Original post:
Shirki Saxiixayaasha RoadMapka Oo Itoobiya Ka Dhici Doona & Masuuliyiin Adisababa Gaaray..